आयरिस डाटा प्रोटेक्शन कमिसन (डीपीसी) ले अवैध रुपमा विज्ञापन देखाएको भन्दै फेसबुक–इन्स्टाग्रामलाई जरिवाना गरेको जनाएको छ ।
युरोपियन युनियनको डाटा सम्बन्धी नियम तोडेको आरोपमा मेटा कम्पनीलाई ३९० मिलियन युरो जरिवाना गरेको स्रोतले जनाएको हो ।
साथै, डीपीसीले मेटालाई अवैध रूपमा प्रयोगकर्ताहरूलाई फेसबुक र इन्स्टाग्राममा विज्ञापनहरू देखाउनको लागि प्रयोगकर्ताहरूको अनुमति माग्नु पर्ने बताएको छ ।
फेसबुक र इन्स्टाग्राम मेटाको सामाजिक मिडिया प्लेटफर्म हो। मेटाले युरोपेली संघको निर्णयप्रति निराशा व्यक्त गरेको छ भने कम्पनीले यस विषयमा थप पुनरावेदन गर्न सक्ने अनुमान गरेको छ ।
यद्यपि, मेटाले भने ईयूको निर्णय पछि पनि, आफ्नो प्लेटफर्महरूमा व्यक्तिगत प्राथमिकताहरूमा आधारित विज्ञापनहरू नहटाउने प्रस्ताव राखेको छ ।
नियामकका अनुसार फेसबुक र इन्स्टाग्रामले प्रयोगकर्तालाई डाटासम्बन्धी सर्तहरू स्वीकार वा प्लेटफर्म छाड्नु पर्ने भन्दै सहमतिका लागि दबाब दिन नसक्ने बताएको छ ।
गोपनीयताको लागि अभियान गर्नेहरूले यसलाई ठूलो जीत भनेका छन्।