काठमाडौं / लक्ष्मी लघुवित्त वित्तीय संस्था लिमिटेडले गत आर्थिक वर्ष २०७८/०७९ को मुनाफाबाट आफ्ना शेयरधनीहरूलाई लाभांश वितरण गर्ने भएको छ ।
कम्पनीको माघ ४ गते अपरान्ह ४ बजे बसेको सञ्चालक समिति बैठकले हाल कायम चुक्तापूँजी ३८ करोड ४० लाख रूपैँयाको कुल २० प्रतिशत लाभांश वितरण गर्ने भएको हो ।
कम्पनीले १५ प्रतिशत बोनस शेयर र कर प्रयोजनका लागि ५ प्रतिशत नगद लाभांश वितरण गर्ने प्रस्ताव गरेको छ ।
प्रस्तावित लाभांश नेपाल राष्ट्र बैंकको स्वीकृति र कम्पनीको आगामी वार्षिक साधारण सभाले पारित गरेपछि वितरण हुनेछ ।