काठमाडौँ / सर्वोच्च अदालतको फैसलापछि रवि लामिछानेका समर्थकहरूले प्रदर्शन गरेका छन् ।
अदालतले राष्ट्रिय स्वतन्त्र पार्टीका सभापति, उपप्रधामन्त्रि तथा गृहमन्त्रि रवि लामिछानेको सांसद पद खारेज गरिदिएसँगै उनका समर्थकहरूले सर्वोच्च अदालत अगाडि प्रदर्शन गरेका हुन् ।
सर्वोच्च अदालतको संवैधानिक इजलासले लामिछानेको नेपाली नागरिकता प्राप्ति र अमेरिकी राहदानीका सम्बन्धमा परेको रिटमाथि आज सुनुवाइ गर्दै सांसद पद खारेज गरेको छ ।
कामु प्रधानन्यायाधीश हरिकृष्ण कार्की तथा न्यायाधीशहरु विश्वम्भरप्रसाद श्रेष्ठ, ईश्वरप्रसाद खतिवडा, आनन्दमोहन भट्टराई र अनिलकुमार सिन्हाको इजसालले उक्त निर्णय सुनाएको हो ।
अदालतको फैसलाको विरुद्धमा लामिछानेका समर्थकहरूले नाराबाजीसहित प्रदर्शन गरेपछि प्रहरीले प्रदर्शनकारीलाई पक्राउ गरेको छ ।
लामिछाने चितवन निर्वाचन क्षेत्र नं २ बाट प्रतिनिधिसभा सदस्यमा निर्वाचित भएका थिए । फैसलासँगै सो क्षेत्रमा उपनिर्वाचन गर्नुपर्ने भएको छ ।