काठमाडौं / सिटिजन्स बैंक इन्टरनेसनलले संस्थापक सेयरधनी डम्बर देव न्यौपानेको नाममा रहेको संस्थापक सेयर बिक्री खुला गरेको छ ।
बैंकले डम्बर देव न्यौपानेको नाममा रहेको १४ हजार १०१.१४ कित्ता संस्थापक सेयर बिक्री खुला गरेको हो ।
बैंकले प्रतिकित्ता सेयरको न्यूनतम भाउ १३० रुपैयाँ तोकेको छ । यसमा बैंकका विद्यमान संस्थापक सेयरधनीले आवेदन दिन सक्नेछन् ।
सेयर खरिद गर्न इच्छुक संस्थापकले आज सोमबार (माघ १६ गते) बाट ३५ दिन भित्र बैंकको केन्द्रीय कार्यालय नारायणहिटी पथमा निवेदन पेश गर्नु पर्नेछ ।
उक्त समयमा संस्थापक सेयरधनीको आवेदन परेन भने अन्य व्यक्ति वा संस्थालाई सेयर बिक्री गरिने बैंकले जनाएको छ ।