काठमाडौँ / मलेसियाको राजधानी क्वालालम्पुरमा गत बधुबार आयोजित एक समारोहमा अर्थ डबली डटकमका सञ्चालक तथा सम्पादक विमल श्रेष्ठ सन्देश इन्टरनेशनल सोसल अवार्डद्वारा सम्मानित भएका छन् । लामो समयदेखि पत्रकारितामार्फत सामाजिक क्षेत्रमा योगदान पुर्याएपापत सम्पादक श्रेष्ठ उक्त अवार्डबाट सम्मानित भएका हुन् ।
क्रियटिभ मिडिया एण्ड इभेन्ट म्यानेजमेन्टले प्रा.लि.ले विभिन्न क्षेत्रमा योगदान पुर्याएका व्यक्तिहरूलाई ४ बर्षदेखि उक्त अवार्ड प्रदान गर्दै आइरहेको छ । उक्त संस्थाले हरेक बर्ष सामाजिक क्षेत्रमा योगदान पुर्याएका विभिन्न व्यक्तिहरूलाई विभिन्न देशहरूमा विशेष समारोहको आयोजना गरी अवार्ड वितरण गर्दै आएको छ ।
कार्यक्रममा मलेसियाका लागि नेपाली राजदूत डिल्लीराज पौडेलको प्रमुख आथित्यतामा सामाजिक क्षेत्रमा योगदान पुर्याएका विभिन्न ३९ जना व्यक्तिहरूलाई अवार्ड वितरण गरिएको थियो ।
सम्पादक श्रेष्ठ करिब डेढ दशकदेखि पत्रकारिता क्षेत्रमा सक्रिय छन् । विभिन्न सामाजिक संघसंस्थामासमेत सक्रिय उनी विशेषगरी आर्थिक विटमा कलम चलाउँछन् ।
सो अवार्ड वितरण समारोहलाई सम्बोधन गर्दै राजदूत पौडेलले मलेसियामा रहेका हरेक नेपालीको समस्या समाधानका लागि पहल गरिरहेको बताए ।
राजदूत पौडेलले श्रमिक नेपालीहरूको हकहितको लागि निरन्तर कृयाशिल रहको बताउँदै मलेसियामा रहेका सबै नेपालीको सुख दुःखमा राजदूतवास सधैँ साथमा रहेको जनाए ।
उनले भने, “राजदूतले मलेसियामा गैरकानुनी रूपमा बसिरहेका र समस्यामा परेका हजारौँ नेपालीहरूलाई उद्दार गरिरहेको छ । यहाँ रहेका हरेक नेपालीको समस्या समाधानको निम्ती दुतावासले पहल गरिरहेको छ ।”
गैरकानुनी ढङ्गले मलेसिया बसिरहेका र समस्यामा परेका हजारौँ नेपालीहरूलाई उद्धार गरिरहेको स्मरण गर्दै राजदूत पौडेलले रोजगारीमा मलेसिया आउँदा सबै कुरा बुझेर मात्रै आउन अनुरोध गरे । साथै उनले हरेक नेपालीको समस्या समाधानको निम्ती दुतावासले पहल गरिरहेको प्रष्ट पारे ।
