काठमाडौँ / संघीय संसद अन्तर्गत आज प्रतिनिधि सभाको बैठक बस्दै छ। आज संसद भवन बानेश्वरमा प्रतिनिधि सभा बैठक बसेको हो ।
बैठकमा नेकपा एमालेका अध्यक्ष केपी शर्मा ओलीले नेपाली कांग्रेस आफूलाई प्रतिपक्ष भनेर स्वीकार्न नसकेको टिप्पणी छन् ।
आइतबार प्रतिनिधिसभाको विशेष समयमा बोल्दै उनले कांग्रेस अहिले पानीबाहिरको माछा जस्तै छटपटाएको टिप्पणी गरेका हुन् ।
उनले भने, ‘यतिबेला नेपाली कांग्रेस पानी बाहिरको माछा जस्तो छटपटाएको देखिन्छ । नेपाली कांग्रेस सत्ता बाहिर आफ्नो अस्तित्व आफैं विश्वास गर्न नसक्ने अवस्थामा पुगेको छ । सत्ता बाहिर रहँदा सत्तामा विग्रह ल्याउने र अल्पकालीन लाभ लिने अनुभव नेपाली कांग्रेससँग राम्रै छ । ’