काठमाडौँ / मौसम पूर्वानुमान महाशाखाकाअनुसार देशमा कुनै उल्लेखनीय मौसमी प्रणालीको प्रभाव छैन। हाल प्रदेश नं १ लगायत बागमती र गण्डकी प्रदेशको पहाडी भूभागमा आंशिकदेखि सामान्य बदली हुने मौसमविद्ले जनाएको छ ।
बिहीबार प्रदेश नं. १ को पहाडी भूभागमा आंशिक बदली तथा बाँकी भूभागमा मौसम सामान्यतया सफा रहने मौसमविद्ले जनाएको छ ।
शुक्रबार प्रदेश नं १ को पहाडी भूभागमा आंशिकदेखि सामान्य बदली तथा बाँकी भूभागहरूमा मौसम सामान्यतया सफा रहनेछ। मौसमविद्काअनुसार प्रदेश नं १ को उच्च पहाडी तथा हिमाली भूभागका एक वा दुई स्थानमा हल्का हिमपातको सम्भावना छ।
शनिबार प्रदेश नं १, बागमती प्रदेश र गण्डकी प्रदेशको पहाडी भूभागमा आंशिकदेखि सामान्य बदली तथा बाँकी भूभागहरूमा मौसम सामान्यतया सफा हुने र प्रदेश नं १ को उच्च पहाडी तथा हिमाली भूभागका एक वा दुई स्थानमा हल्का हिमपातको सम्भावना छ ।
तराईका थोरै भूभागमा बिहानी पख हुस्सु÷कुहिरो लाग्ने सम्भावना रहेको मौसमविद्ले आग्रह गरेका छन् ।
