काठमाडौँ / ग्लोबल आइएमई बैंक र बैंक अफ काठमाण्डूको मर्जरपछि कायम शेयर नेपाल स्टक एक्सचेन्ज (नेप्से) मा सूचीकृत भएको छ ।
मर्जरमा गएपछि कायम हुन आएको कुल ११ करोड २६ लाख १४ हजार ३३७ दशमलव १७ कित्ता ग्लोबल आइएमई बैंकको नामबाट सूचीकृत भएको हो । मर्जरपछिको पहिलो कारोबारको लागि नेप्सेले २०९.४२ रूपैँया ओपन रेञ्ज दिएको छ । यही मूल्य रेञ्जको आधारमा कम्पनीको शेयर फागुन १० गतेदेखि कारोबारमा आउनेछ ।
यी दुई बैंक १ बराबर १ अनुपातमा मर्जरमा गएका हुन् भने पुस २५ गतेदेखि एकीकृत कारोबार शुरू गरेका हुन् । अब बैंक अफ काठमाण्डूका शेयरधनीको खातामा शेयर आएपछि ग्लोबल आइएमई बैंकको नामबाट देखिनेछ ।
