काठमाडौँ / जनउत्थान सामुदायिक लघुवित्त वित्तीय संस्था लिमिटेडको लाभांश सुरक्षित गर्ने अन्तिम दिन आज रहेको छ ।
कम्पनीले साधारण सभा प्रयोजनको लागि चैत १० गते बुक क्लोज गरेसँगै आज चैत ९ गतेसम्म कायम शेयरधनीमात्र साधारण सभामा भाग लिन र लाभांश पाउन योग्य हुनेछन् ।
कम्पनीले गत आवको मुनाफाबाट शेयरधनीलाई १५ प्रतिशत बोनस शेयर र कर प्रयोजनको लागि शून्य दशमलव ७८ प्रतिशत नगद लाभांश वितरण गर्ने प्रस्ताव गरेको हो । यो प्रस्ताव पारितका लागि कम्पनीले चैत २६ गते साधारण सभा बोलाएको छ ।
सभा न्यू ईरा बुटवल उपमहानगरपालिका-९ कालिकापथ रुपन्देहीमा बिहान ११ बजे शुरू हुने कम्पनीले जानकारी दिएको छ ।
