काठमाडौँ / नेपाल स्टक एक्सचेन्ज (नेप्से) दुई लघुवित्तको बोनस शेयरमा मूल्य समायोजन भएको छ ।
नेप्सेमा आज शुक्रबार जीवन विकास लघुवित्त वित्तीय संस्था र एनएमबि लघुवित्तको बोनस शेयरमा मूल्य समायोजन भएको हो ।
जसमा जीवन विकासको १४.२८५ प्रतिशत बोनस सेयरमा मूल्य समायोजन भएको हो । नेप्सेका अनुसार मूल्य समायोजन पछिको भाउ १३ सय ७० रुपैयाँ २६ पैसा कायम भएको छ । बिहीबारको अन्तिम कारोबार मूल्य १५ सय ६६ रुपैयाँलाई आधार मानेर भाउ समायोजन गरिएको हो ।
त्यस्तै, एनएमबि लघुवित्तको १० प्रतिशत बोनस सेयरमा मूल्य समायोजन गरिएको हो । समायोजन पश्चात यसको भाउ ५ सय ९ रुपैयाँ ९ पैसा कायम भएको छ । बिहीबारको अन्तिम कारोबार मूल्य ५ सय ६० रुपैयाँलाई आधार मानेर भाउ समायोजन गरिएको हो । यी कम्पनीको सेयर कारोबार आइतबार समायोजित भाउमा खुल्नेछ ।
