काठमाडौँ / उद्योग वाणिज्य महासङ्घको वरिष्ठ उपाध्यक्षमा एसोसिएटतर्फको मतगणनामा रामचन्द्र संघाई विजयी भएका छन् । बुधबार साँझ ६ बजे सम्पन्न निर्वाचनको मतगणनामा एसोसिएटतर्फको मतगणना सकिएको हो ।
कुल मतमा ३० प्रतिशत मतभार रहने एसोसिएटतर्फबाट संघईले ६१३ अर्थात ११.४ प्रतिशत मत ल्याएका छन् ।
यस्तै, अन्जान श्रेष्ठले ५७३ अर्थात १०.७ प्रतिशत मत ल्याएका छन् भने उमेशलाल श्रेष्ठले ४२६ अर्थात ७.९ प्रतिशत मत ल्याएका छन् । अब वस्तुगत र जिल्ला नगरतर्फको मगगणना हुन बाँकी छ । हालसम्म कुल १६३० मत खसेकोमा १८ मत बदर भएको समितिले जनाएको छ ।
जिल्लानगरको मतभार ५० प्रतिशत र वस्तुगतको २० प्रतिशत मतभार रहन्छ ।
