काठमाडौँ / बजेट पारित गर्न मन्त्रिपरिषद्को बैठक आज दिउँसो २ बजे बस्ने भएको छ । प्रधानमन्त्री तथा मन्त्रिपरिषद्को कार्यालयमा बस्ने बैठकले आगामी आर्थिक वर्ष २०८०/८१ को बजेट पारित गर्नेछ ।
बैठकले प्रधानमन्त्री प्रचण्डको भारत भ्रमण र अन्य आवश्यक तथा महत्त्वपूर्ण एजेन्डामा पनि छलफल गर्ने बताइएको छ । बैठकबाट पारित भएपछि आज बेलुका ४ बजे अर्थमन्त्री डा. प्रकाशशरण महतले संघीय संसद्मार्फत बजेट प्रस्तुत गर्नेछन् । संविधान अनुसार जेठ १५ गते बजेट ल्याउनैपर्ने प्रावधान छ ।