काठमाडौँ / धनगढीका लागि उडेको श्री एयरलाइन्सको जहाज काठमाडौँमै फर्किएको छ । आइतबार बिहान त्रिभुवन अन्तर्राष्ट्रिय विमानस्थलबाट धनगढीका लागि उडेको श्रीको जहाजमा समस्या आएपछि काठमाडौँ फर्काइएको हो ।
आइतबार बिहान ७ः५० बजे जहाज उडेको र प्रेसराइजेसनको समस्या देखिएपछि काठमाडौँमै फिर्ता भएको विमानस्थलका प्रवक्ता टेकनाथ सिटौलाले जानकारी दिए ।
८ : २० मिनेटमा काठमाडौँ विमानस्थलमा अवतरण गरेको सो जहाजमा ७९ जना यात्रु थिए। उनीहरूलाई अर्कै जहाजमा राखेर धनगढी पठाउने तयारी भइरहेको छ।