काठमाडौँ / मंगलबार सुनको भाउ पुनः बढेको छ । यसअघि निरन्तर घटेको सुनको भाउ आज भने प्रतितोला ४०० रुपैयाँ बढेको हो ।
नेपाल सुनचाँदी व्यवसायी महासंघका अनुसार आज सुन प्रतितोला ९२ हजार ८०० रुपैयाँ कायम भएको छ भने यसअघि छापावाल सुन ९२ हजार ४०० रुपैयाँमा कारोबार भइरहेको थियो ।
सोही परिमाणको तेजावी सुनलाई भने आज प्रतितोला ९२ हजार ३०० रुपैयाँ पर्नेछ ।
यता, चाँदीको भाउ भने घटेको छ । पछिल्लो दुई दिन स्थिर रहेको चाँदीको भाउ आज ५ रुपैयाँ घटेर एक हजार २५५ रुपैयाँमा कारोबार हुनेछ ।