अग्नि ग्रुपद्वारा कुरिनटारमा महिन्द्राको थ्रीएस सुविधासहितको शोरुम, ग्राहकहरूको आवश्यकताअनुसारको सेवा पाइने 

अग्नि ग्रुपद्वारा कुरिनटारमा महिन्द्राको थ्रीएस सुविधासहितको शोरुम, ग्राहकहरूको आवश्यकताअनुसारको सेवा पाइने 

अर्थ डबली
सोमवार, भाद्र १३ २०७९
अर्थ डबली
सोमवार, भाद्र १३ २०७९ (अर्काइभ बाट)
  • अग्नि ग्रुपद्वारा कुरिनटारमा महिन्द्राको थ्रीएस सुविधासहितको शोरुम, ग्राहकहरूको आवश्यकताअनुसारको सेवा पाइने 

    काठमाडौँ / अग्नि ग्रुपले कुरिनटारमा महिन्द्राको अटो डिभिजन र फार्म डिभिजनको नयाँ बिक्री, सेवा र पार्टपुर्जासहितको सुबिधा सम्पन्न शोरूम बिहीबारदेखि सञ्चालनमा ल्याएको छ । आफ्ना सेवाग्राहीलाई सहजै सेवा सुविधा उपलब्ध गराउन कम्पनीले बाग्मती प्रदेशको कुरिनटारमा थ्रीएस सुविधासहितको शोरुम सञ्चालनमा ल्याएको हो । 

    images
    images

    कम्पनीका अनुसार उक्त शोरुम सो क्षेत्रका लागि कम्पनीको पूर्ण सुविधाले सुसज्जित आधिकारिक शोरुम हो । महिन्द्रा अटोमोबाइल्सका सबै श्रृङ्खलाका सवारी साधनहरूसहितको थ्रीएस सेटअपयुक्त उक्त शोरुम इच्छाकामना गाउँपालिकाका अध्यक्ष दान बहादुर गुरुङ, इच्छाकामना गाउँपालिकाका उपाध्यक्ष माया सिलवाल, विपद् व्यवस्थापन तालिम शिक्षालय कुरिनटार, सशस्त्र प्रहरी वरिष्ठ उपरिक्षक प्रमुख अन्जनी कुमारी पोखरेल, काली वहादुर गण भरतपुरका गणपति अच्युत घिमिरे, सशस्त्र प्रहरी बल १६ नम्बर गण आपँटारीका सशस्त्र प्रहरी उपरिक्षक मनोज थापा, राष्ट्रिय अनुसन्धान कार्यालय चितवनका अनुसन्धान उपनिर्देशक शेरजङ्ग चन्द, अग्नी ग्रुपका प्रबन्ध निर्देशक क्याबिनेट श्रेष्ठले र अग्नी ग्रुपका कार्यकारी निर्देशक अर्जुन प्रसाद शर्मा र स्थानीय प्रतिनिधिहरूले संयुक्त रूपमा उद्घाटन गरे । 

    अग्नि ग्रुपका प्रबन्ध निर्देशक श्रेष्ठकाअनुसार कम्पनी उपभोक्ताको आवश्यकताअनुसार विभिन्न श्रृङ्खलाका उत्पादनहरू उपलब्ध गराउनमा केन्द्रीत रहेको छ र सबै महिन्द्रा बिक्री केन्द्रहरूमा समान गुणस्तर सेवाका कारण अधिकतम उपभोक्ता सन्तुष्टि पनि पाइरहेको छ ।

    कार्यक्रममा बोल्दै उनले महिन्द्रा गाडी किन्ने ग्राहकहरूले थ्री एस सेटअप अन्तर्गत महिन्द्रा अटोमोबाइल्सका सबै उपयोगी सवारी साधनहरू, एसयूभीहरू, पिकअप सहितका सबै उत्पादनहरू मात्रै नभइ महिन्द्रा ट्रयाक्टर मोडलहरु जस्तै नयाँ ‘एसपी प्लस’, युभो, नोभो, जिभो र युभराज ट्रयाक्टर श्रृङ्खला आदिका बिक्री (सेल्स), उत्कृष्ट सेवा (सर्भिस) र सक्कली स्पेयर पार्टस्को लाभ उपलब्ध गराउने बताए । 

    उनले भने, “महिन्द्रासँगको हाम्रो सम्बन्धको ३० वर्ष पूरा गरिरहँदा यसरी देशका विभिन्न स्थानहरूमा सुविधाले सुसज्जित आधिकारिक शोरुम खोल्नु अग्नि ग्रुपका लागि गर्वको क्षण पनि हो, जुन एक किसिमले हाम्रा ग्राहकहरूप्रति हाम्रो प्रतिवद्धता, वर्गमा उत्कृष्टभन्दा कम केही नपाउने सुनिश्चित गर्ने थप जिम्मेवारी पनि हो ।”

    News mahindra.JPG

    कुरिनटार र आसपासका ग्राहकहरूलाई अधिकतम सुविधा र किफायती रूपमा कम्पनी र यसका सबै गुणस्तरीय सेवामा पहुँच उपलब्ध गराई लाभ प्रदान गर्ने मूल उद्देश्य राखेर नयाँ शोरुम, सर्भिस र स्पेयर पार्टस्  सेन्टर स्थापना गरिएको हो, कम्पनीद्वारा जारी विज्ञप्तिमा भनिएको छ । 

    कम्पनीका अनुसार यस क्षेत्रमा नयाँ महिन्द्रा शोरुमको स्थापनासँगै आउँदा दिनहरूमा ग्राहक र कम्पनीबीच विश्वास अझ प्रगाढ बन्दै जाने तथा यसले हाल र नयाँ उद्यमी र कृषक÷कृषिकर्मीहरूले लाभ प्राप्त गर्ने विश्वास लिइएको छ ।

    कम्पनीका अनुसार यो थ्रीएस सेटअप सहितको शोरुम अग्नी इन्कर्पोरेटेड प्रा।लि।अन्तर्गतको पूर्ण सुविधाले सुसज्जित आधिकारिक शोरुम हो भने सर्भिस सेन्टर भने बालाजु अटो वक्र्स लिमिटेड अन्तर्गतको सुविधा सम्पन्न सर्भिस सेन्टर हो ।

     

    साताको लोकप्रीय