काठमाडौँ / कालीमाटी फलफूल तथा तरकारी बजारमा काउली, मूला, बोडीलगायत केही तरकारीको भाउ घटेको छ भने मसलाजन्य कृषि उपज र माछालगायको भाउ बढेको छ । यसअघि प्रतिकेजी ८५ रुपैयाँ रहेको सानो गोलभेडाको भाउ आज घटेर ३१ रुपैयाँ ६७ पैसा रहेको छ भने टनेल गोलभेडा ४६ रुपैयाँ ६७ पैसा पर्नेछ । 

त्यस्तै, मुडेको आलु प्रतिकेजी ७१ रुपैयाँ, सुकेको प्याज १११ रुपैयाँ, लोकल गाजर १२५ रुपैयाँ, लोकल बन्दा ४५ रुपैयाँ, स्थानीय काउली ७५ र भटमासकोशा ५० रुपैयाँमा झरेको छ । 

यता, रातो आलु प्रतिकेजी ८० रुपैयाँ पुगेको छ भने भारतीय रातो आलु ६१ रुपैयाँ कायम भएको छ । यसैगरी सेलरी प्रतिकेजी २७५ रुपैयाँले बढेर ७५० रुपैयाँ पुगेको छ भने झोले स्याउ २७६ रुपैयाँ ६७ पैसा, अदुवा १९० रुपैयाँ, अकबरे हरियो खुर्सानी २९० रुपैयाँ, रहु ताजा माछा ३१० रुपैयाँ र बचुवा ताजा माछा २४५ रुपैयाँ पुगेको छ । 

विस्तृत तालिकामा हेर्नुस्