काठमाडौँ / एसवाई प्यानल नेपालले घर निर्माणका लागि अति महत्त्वपूर्ण मानिने पोलिस्टिरिन सिट्स (इपीएस सिट्स)को उत्पादन सुरु गरी बिक्री वितरण थालेको छ ।
प्यानका घर निर्माण गर्दै आइरहेको यस कम्पनीले कंक्रिट घर निर्माण गर्दा वालकोबीचमा राखिने इपीएस सिट्सको स्वादेशमै उत्पादन गर्न थालेको हो ।
कम्पनीका निर्देशक शशी शाहका अनुसार अपार्टमेन्टमा पनि इन्सुलेशनको लागि ईपीएस सिट्सको प्रयोग गर्न सकिनेछ । थर्मल इन्सुलेशन प्रदान गर्ने इपीएस सिट्सले ध्वनि नियन्त्रणमा र निर्माण गतिलाई पनि नयाँ दिशातर्फ लग्न मद्दत गर्छ ।
इपीएस सिट्स एक किसिमको प्लास्टिक फोम हो । घर निर्माणमा प्रयोग हुने इपीएस सिट्स मजबुत, टिकाउ र इन्सुलेटिभ हुने शाहले जानकारी दिए ।
यसको प्रयोग विशेषतः घरको भित्ता, छानामा गर्न सकिन्छ भने घरलाई धेरै तातो तथा धेरै चिसो हुनबाट जोगाउन लागि पनि गरिन्छ ।
‘इपीएस सिट्सलाई सिधैँ भित्तामा टाँसिन्छ र त्यसको माथि जाली वा इँट्टा लगाएर प्लास्टर गरिन्छ, यसले घरलाई बाह्य तापक्रमबाट जोगाउँछ, छानाको सतहमा पनि इपीएस सिट्स सजिलै फिट गर्न सकिन्छ, यसका लागि सिमेन्ट वा विशेष ग्लु प्रयोग गरिन्छ, कतिपय अवस्थामा फल्स सिलिङमा समेत इपीएस सिट्स जडान गरिन्छ,’ उनले भने ।
यो वातावरणमैत्री हुनका साथै ध्वनि अवरोध र घरको ताप तथा चिसो नियन्त्रण गर्छ । शाहका अनुसार धेरैजसो प्रिफ्याब घरहरूमा समेत इसीएस प्यानल प्रयोग हुँदै आएको छ । जसले निर्माण समयलाई झनै छोटो बनाएको छ ।
‘नेपालमा इपीएसको प्रयोग बढ्दै छ, विशेषगरी उपत्यकाभित्रका नयाँ भवनहरूमा यो प्रविधि निकै उपयुक्त हो,’ उनले भने । इपीएस सिट्स नेपाली निर्माण प्रविधिमा नयाँ युगको सुरुवात गरिरहेको छ । घर बनाउँदा तापमान नियन्त्रण, ध्वनि अवरोध र लागत कटौतीका लागि इपीएस सिट्स एक स्मार्ट विकल्प हुनसक्ने शाहले बताए ।
उनका अनुसार कम्पनीबाट बिक्री हुने इपीएस सिट्स मूल्यका हिसाबले पनि औसत रहेको छ । कोरियन यस कम्पनीले सन् २०१७ देखि चितवनको रत्ननगरमा आफ्नै उद्योग लगाई प्यानल उत्पादन गर्दै आएको छ । साथै, उक्त उद्योगबाटै इपीएस सिट्सको अब भने उत्पादन थालेको हो ।
