काठमाडौँ / काठमाडौँ महानगरपालिका–१६, सोह्रखुट्टेस्थित सिग्मा कलेजको क्यान्टिनमा आज बिहान आगलागी भएको छ। आगो ग्यास लिकेजका कारण लागेको हुन सक्ने प्रारम्भिक अनुमान छ।
सशस्त्र प्रहरी, नेपाल प्रहरी र स्थानीय बासिन्दाको सहयोगमा दमकलले आगो नियन्त्रणमा लिएको छ। आगलागीले क्यान्टिनभित्र रहेका सामानहरू जलेर करिब ३ लाख रुपैयाँ बराबरको क्षति पुर्याएको छ भने कुनै मानविय क्षति नभएको सहप्रवक्ता डिएसपी शैलेन्द्र थापाले जानकारी दिएका छन्।
आगलागीको खबर पाएपछि सशस्त्र प्रहरी बल नेपाल नं २४ बाघभैरव गुल्म र काठमाडौँ महानगरपालिकाको वारुणयन्त्र कार्यालयबाट सुरक्षा टोली तत्काल घटनास्थलमा पुगेको थियो। आगो बिहान करिब ८ बजेसम्म पूर्ण रूपमा नियन्त्रणमा आएको थियो।
