चर्चित समाचार
  • लर्डवुद्ध र नेपाल लाइफ इन्स्योरेन्सबीच सम्झोता, सीपयुक्त शिक्षा र रोजगारी सिर्जना गर्ने

    लर्डवुद्ध र नेपाल लाइफ इन्स्योरेन्सबीच सम्झोता, सीपयुक्त शिक्षा र रोजगारी सिर्जना गर्ने

    अर्थ डबली
    बिहिवार, साउन ४ २०८०
    अर्थ डबली
    बिहिवार, साउन ४ २०८० (अर्काइभ बाट)
  • लर्डवुद्ध र नेपाल लाइफ इन्स्योरेन्सबीच सम्झोता, सीपयुक्त शिक्षा र रोजगारी सिर्जना गर्ने

    काठमाडौँ / लर्ड बुद्ध एजुकेसन फाउन्डेसन र नेपाल लाइफ इन्स्योरेन्स कम्पनीबीच सम्झौता भएको छ । मुलुकभित्र व्यावसायिक शिक्षा र सीपयुक्त रोजगारी सिर्जना गर्न लर्ड बुद्ध र नेपाल लाइफ इन्स्योरेन्सबीच सम्झौता भएको हो । 

    images
    images

    सीपयुक्त रोजगारीको बढ्दो मागलाई सम्बोधन गर्न एवं व्यावसायिक शिक्षा उपलब्ध गराउनका लागि फाउन्डेसन र इन्स्योरेन्स कम्पनीबिच सहकार्य गर्ने सहमति कम्पनीले जनाएको छ । 

    सहमति पत्रमा फाउन्डेसनका अध्यक्ष पङ्कज जलान र कम्पनीका तर्फबाट प्रमुख कार्यकारी अधिकृत प्रविण रमन पराजुलीले हस्ताक्षर गरे । 

    फाउन्डेसनमा सूचना प्रविधिको विषयमा स्नातक तहमा अध्ययनरत विद्यार्थीले नेपाल लाइफ ईन्स्योरेन्स कम्पनीमा प्रशिक्षार्थीको रूपमा सहभागी हुन पाउने सहमति भएको छ । यसबाट विद्यार्थीहरूले पढाइका साथै रोजगारीको समेत अवसर पाउने फाउन्डेसनका अध्यक्ष पङ्कज जलानले बताए ।

    यस्तै एमबिए र  एमएससी आईटीएम विषयमा इन्स्योरेन्स कम्पनीका तर्फबाट ६ जना विद्यार्थीलाई फाउन्डेसनले निःशुल्क अध्ययन सुविधा उपलब्ध गराउने समेत सहमति भएको छ । इन्स्योरन्स कम्पनीले छनोट गर्ने ६ जना विद्यार्थीलाई शैक्षिक सत्रमा लाग्ने १० लाख २० हजार रुपैयाँ खर्च फाउन्डेसनले बेहोर्ने छ ।

    नेपाल लाइफ कम्पनीमा कार्यरत बिमा अभिकर्ताहरु मध्ये ६ जनालाई सूचना प्रविधिको अध्ययनमा लाग्ने सम्पूर्ण खर्च फाउन्डेसनले बेहोर्ने गरी सहमति भएको छ ।

    नेपाल लाइफ इन्स्योरेन्स कम्पनीका प्रमुख कार्यकारी अधिकृत प्रविण रमन पराजुलीले सामाजिक उत्तरदायित्व अन्तर्गत निःशुल्क शिक्षा र रोजगारी सिर्जना गर्न लागिएको बताए । सो कार्यक्रमलाई आगामी वर्षहरूमा पनि निरन्तरता दिइने उनको भनाई छ ।

    सूचना प्रविधिको विकास र प्रयोग बढे पनि सो अनुसारको दक्ष कामदार पाउन नसकिएकाले आफूहरूले पहल गरेको अध्यक्ष जलानको भनाई छ । सरकारले पछिल्लो समय अङ्गीकार गरेको पढ्दै कमाउँदै नीतिको व्यवहारिक कार्यान्वयनका लागि फाउन्डेसनले पनि पहल गरिरहेको अध्यक्ष जलानले बताए । 

    साताको लोकप्रीय