images
images

पर्यटक र पूर्वाधारको पर्खाइमा सेतिनी झरना, प्रचार–प्रसार गर्न सके पर्यटन प्रवर्द्धनमा टेवा पुग्ने

पर्यटक र पूर्वाधारको पर्खाइमा सेतिनी झरना, प्रचार–प्रसार गर्न सके पर्यटन प्रवर्द्धनमा टेवा पुग्ने

आइतवार, बैशाख २ २०८१
आइतवार, बैशाख २ २०८१
  • images
    images
    पर्यटक र पूर्वाधारको पर्खाइमा सेतिनी झरना, प्रचार–प्रसार गर्न सके पर्यटन प्रवर्द्धनमा टेवा पुग्ने
    म्याग्दी / म्याग्दीको रघुगङ्गा गाउँपालिका–७ स्थित सेतिनी झरना पर्यटक र पूर्वाधारको पर्खाइमा रहेको छ । पूर्वाधार र प्रचारप्रसारको कमीले प्रशस्त पर्यटकीय सम्भावना बोकेको यो झरना ओझेलमा परेको हो । 
     
    समुद्रि सतहबाट दुई हजार छ सय ४० मिटर उचाइको पहाडमा रहेको सेतिनी झरना र आसपास मनमोहक दृष्य अवलोकन गर्न सकिन्छ । 
     
    रघुगङ्गा–७ चिमखोलाका सप्रसाद पुनले सेतिनि झरनाको सौन्दर्य स्थानीयस्तरमै सीमित भएको बताए । “अग्लो पहाडबाट खस्ने झरना जति हेरे पनि धित मर्दैन”, उनले भने, “यसको सुन्दरताको प्रचारप्रसार नहुँदा पर्यटक भित्र्न सकेका छैनन् ।”
     
    दुई वटा पहाडको बिचभागमा खोलाले बनाएको खोँचबाट खस्ने सेतीनी झरनाको उचाइ करिब एकसय ३० मिटर छ । बर्खामा पानी ठूलो हुँदा झरनामा इन्द्रेणी देखिन्छ । हिउँदमा झरनाको पानी वरपरको पहाडमा जमेर सेताम्मे हुन्छ । शान्त र एकान्त ठाउँमा अवस्थित यो झरनाको प्रचारप्रसार गर्न सके यस क्षेत्रको पर्यटन प्रवर्द्धनमा टेवा पुग्ने पुनको भनाइ छ । 
     
    बस्तीबाट टाढा रहेको झरना वरपर लालीगुराँसको जङ्गल छ । निर्माणाधीन ठूलोखोला जलविद्युत् आयोजनाको बाँध र उपल्लो ठूलोखोला जलविद्युत् आयोजनाको विद्युत्गृहको नजिकै सेतिनी झरना अवस्थित छ । 
     
    उपल्लो ठूलोखोला जलविद्युत् आयोजनाको विद्युत्गृहबाट बाँधतर्फ जाने पहुँचमार्गको यात्रा गर्दा सेतिनी झरनालाई दायाँतर्फ देख्न सकिन्छ । 
     
    चिमखोलाको मण्डली युवा क्लवले सडकको छेउमा उक्त झरना अवलोकनस्थल र सूचनामूलक बोर्ड राखेका छन् । स्थानीयवासी र जलविद्युत् आयोजनाका कर्मचारी तथा मजदुर थकान मेटाउन र रमाइलोका लागि झरना अवलोकन गर्न आउँछन् । 
     
    झरनाको विशेषताका बारेमा प्रचारप्रसार र पूर्वाधार बनाउने हो भने पर्यटक भित्र्याउन सकिने सम्भावना रहेको सेतिनी भ्यालीमा होटल सञ्चालन गरेका चिमखोलाका कुशल पाइजाले बताए । 
     
    काठैकाठले निर्माण गरिएको टहरामा सञ्चालित होटल परिसरबाट सेतिनी झरना र धौलागिरि हिमालको दृष्य अवलोकन गर्न सकिन्छ । यो झरना धौलागिरि सेञ्चुरी, आइसफल र टोड्के–धौलागिरि पानोरमा सांस्कृतिक पदमार्गमा समेटिएको छ । 
     
    तीन वटै धौलागिरि हिमालको आधार शिविर भएर म्याग्दी र मुस्ताङ आवतजावत गर्ने पदमार्ग हुन् । रघुगङ्गा–७ का वडाध्यक्ष थकबहादुर पाइजा (रिम) ले सेतिनी झरना हुँदै धौलागिरि आधार शिविर र मुस्ताङको लेते निस्कने पदमार्ग निर्माणलाई पूर्णता दिएर पर्यटक भित्र्याउन पहल गरिएको बताए । 

    तपाईको प्रतिक्रिया लेख्नुहोस
    images
    images
    images
    images
    images
    images
    images
    images
    images
    साताको लोकप्रीय
    थप समाचार