काठमाडौँ / पछिल्लो २४ घण्टामा थप २ हजार ७४५ जनामा कोरोना भाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयकाअनुसार यस अवधिमा ७ हजार ४४९ जनाको पिसिआर र ५ हजार ८४१ जनाको एन्टेजिन गरी कूल १३ हजार २९० जनाको कोरोना परीक्षण गरिएको थियो ।
परीक्षण गरिएकोमध्ये एक हजार ६८१ जनाको पिसिआर र एक हजार ६४ जनाको एन्टेजिन विधिबाट परीक्षण गरिएको मन्त्रालयले जनाएको छ । गत २४ घण्टामा ४१ जना संक्रमितले ज्यान गुमाएका छन् । योसँगै हालसम्म कोरोनाका कारण निधन हुनेको संख्या ८ हजार ५०६ जना पुगेको छ ।
बितेको २४ घण्टामा ४ हजार ४४९ जना संक्रमित निको भएका छन् । योसँगै निको हुनेको कूल संख्या ५ लाख ४० हजार ४३९ पुगेको मन्त्रालयले जनाएको छ ।
पछिल्लो २४ घण्टामा काठमाडौँ जिल्लामा ४५५ जना, ललितपुरमा ७४ जना र भक्तपुरमा १६ जनामा संक्रमण देखिएको छ ।
हाल नेपालमा सक्रिय संक्रमितको संख्या ६३ हजार २५७ रहेको छ भने निको हुने दर ८८.३ प्रतिशत रहेको छ । हालसम्म पिसिआर विधिबार गरिएको परीक्षणमा ६ लाख १२ हजार २०२ जना र एन्टेजिन विधिबाट गरिएको परीक्षणमा २२ हजार ४०३ जनामा संक्रमण पुष्टि भएको छ ।