पाल्पा / पाल्पा बुटवल सडक खण्ड आज (मंगलबार) देखि दैनिक सात घण्टा बन्द हुने भएको छ ।
सिद्धार्थ राजमार्ग अन्तर्गत पाल्पा बुटवल सडक खण्ड आउँदो पुस १३ गतेसम्म दैनिक सात घण्टा बन्द हुने भएको हो ।
सडक डिभिजन कार्यालय पाल्पाले सूचना निकालेर आजदेखि पुस १३ गतेसम्म राति साढे नौ बजेदेखि बिहान ४ बजेसम्म बाटो बन्द हुने जनाएको छ ।
चौडा बनाउन र पहाड कटानका लागि सडक बन्द गरिएको सडक डिभिजन कार्यालयको भनाइ छ । सिद्धबाबा-झुम्सापुल र कालीमाटी-गौडेपुलसम्म काम भइरहेको छ ।
