काठमाडौँ / नेपाल स्टक एक्सचेन्ज (नेप्से) ले बिहीवार चार कम्पनीको शेयर मूल्य समायोजन गरेको छ ।
नेप्सेले साना किासान विकास लघुवित्त, साल्ट ट्रेडिङ कर्पोरेशन, सांग्रिला डेभलपमेन्ट बैंक र आशा लघुवित्त वित्तीय संस्थाको शेयर मूल्य समायोजन गरेको हो ।
नेप्सेले साना किसान विकास लघुवित्तको बिहीवार अन्तिम कायम शेयर मूल्य १ हजार ११९ रूपैँयाको आधारमा २६ प्रतिशत बोनस शेयरपछिको मूल्य ८८८.१० रूपैँया तोकेको छ ।
त्यस्तै नेप्सेले साल्ट ट्रेडिङको अन्तिम कायम शेयर मूल्य ४ हजार ३३५ रूपैँयाको आधारमा १० प्रतिशत बोनस शेयरपछिको मूल्य ३ हजार ९४०.९१ रूपैँया तोकेको छ ।
साग्रिला डेभलपमेन्ट बैंकको बिहीवार कायम अन्तिम शेयर मूल्य ३३८ रूपैँयाको आधारमा ८ दशमलव ५३४ प्रतिशत बोनस शेयरपछिको मूल्य ३११.४२ रूपैँया तोकेको छ ।
त्यसैगरी नेप्सेले आशा लघुवित्तको बिहीवार कायम अन्तिम शेयर मूल्य ८६० रूपैँयाको आधारमा १४.२८५७ प्रतिशत बोनस शेयरपछिको मूल्य ७५२.५० रूपैँया तोकेको छ ।
यही मूल्यको आधारमा यी चार ओटै कम्पनीको शेयर आइतवार कारोबारमा आउनेछ । यी चार ओटै कम्पनीका आज अर्थात फागुन २५ गते सम्म कायम शेयरधनीले साधारण सभामा भाग लिन र लाभांश पाउनयोग्य छन् ।
