काठमाडौँ / वि.सं. २०८० सालको पहिलो कारोबार दिन सुनको भाउ प्रतितोला ८ सय रुपैयाँ घटेको छ । नेपाल सुनचाँदी व्यवसायी महासङ्घकाअनुसार चैत ३० गते प्रतितोला १ लाख १० हजार ८ सय रुपैयाँमा कारोबार भएकोमा आज घटेर १ लाख १० हजार रुपैयाँ कायम भएको छ ।
त्यस्तै, १ लाख १० हजार २५० रुपैयाँमा कारोबार भएको तेजावी सुनको भाउ आज १ लाख ९ हजार ५ सय रुपैयाँमा कारोबार हुने भएको छ । यता, चाँदीको भाउ भने स्थिर रहेको छ । आज चाँदी प्रतितोला १ हजार ४५० रुपैयाँ कायम भएको छ ।
