काठमाडौं/ भोलि मंसीर १० गते नेकपा एमालेको महाधिबेसन चितवनमा हुँदैछ । यसै सन्दर्भमा नेकपा एकीकृत समाजवादीका अध्यक्ष माधवकुमार नेपालले तिखो टिप्पणी गरेका छन् ।
उनले समाजबादी प्रेस संगठन कर्णाली प्रदेशले सुर्खेतमा आयोजना गरेको कार्यक्रममा भने, एमालेको झन्डा अब बाँदरको हातमा पुग्छ ।
समाजवादी प्रेस संगठन कर्णाली प्रदेशले सुर्खेतमा बिहीबार आयोजना गरेको पत्रकार सम्मेलनमा नेपालले यस्तो बताएका हुन् ।
‘एमालेको झन्डा अहिले गैँडाले उचालेको छ । केही समयपछि बाँदरको हातमा पुग्छ ।’ उनले उक्त कार्यक्रममा भनेका थिए । गैँडाले एमालेको झन्डा उचालेको लोगो एमालेले सार्वजनिक गरेको थियो ।
यस्तै, उनले अदालतमा रहेको विवादका विषयमा पाँच दलको बैठकले प्रधानमन्त्री शेरबहादुर देउवालाई समस्या सुल्झाउन सुझाब दिएको पनि नेपालले बताए ।
समाजबादी पार्टी अहिले पार्टी निर्माणको अभियानमा देशभर विभिन्न कार्यक्रम लिएर हिडेको छ । साझा पार्टीको एउटा पक्षसँग एकताको कुरा भइरहेको नेपालले बताएका छन् ।