.jpg)
अमेरिकी निजी अन्तरिक्ष कम्पनी ‘स्पेसएक्स’ले सोमबार थप २३ वटा ‘स्टारलिंक’ उपग्रहहरू प्रक्षेपण गरेको छ ।
स्टारलिंक निजी अन्तरिक्ष उडान कम्पनी स्पेसएक्सद्वारा कम लागतको इन्टरनेट उपलब्ध गराउन विकसित गरिएको उपग्रह नेटवर्कको नाम हो ।
स्पेसएक्सका अनुसार अमेरिकी राज्य फ्लोरिडास्थित नासाको केनेडी स्पेस सेन्टरबाट ‘फाल्कन –९’ रकेटमा उपग्रहहरू प्रक्षेपण गरिएको थियो । फाल्कन –९ स्पेसएक्सद्वारा डिजाइन र निर्माण गरिएको एक रकेट हो ।
‘फाल्कन –९’ पहिलो चरणमा फिर्ता आयो र ‘जस्ट रिड दी निर्देशन’ ड्रोनशिपमा अवतरण भयो । उक्त ड्रोनशिप एट्लान्टिक महासागरमा राखिएको कम्पनीले जानकारी गराएको छ ।
स्पेसएक्सले यसपछि २३ वटा उपग्रहहरूको तैनाथीको पुष्टि गरेको छ । स्टारलिंकले स्पेसएक्सका अनुसार पहुँच अविश्वसनीय, महँगो वा पूर्ण रूपमा अनुपलब्ध भएको स्थानहरूमा तीव्र गतिको ब्रोडब्यान्ड इन्टरनेट प्रदान गर्ने बताएको छ ।
.gif)
