काठमाडौँ / सिटिजन्स बैङ्क इन्टरनेसनल लिमिटेड र नेपाल स्टक एक्सचेन्ज लिमिटेडबिच १० प्रतिशत सिटिजन्स बैङ्क डिबेन्चर २०९० नेप्सेमा सूचीकृत गर्ने सम्बन्धमा सम्झौता भएको छ । १० बर्ष अवधि तथा १० प्रतिशत ब्याजदर भएको ‘१० प्रतिशत सिटिजन्स बैङ्क डिवेन्चर २०९०’ डिबेन्चर÷ऋणपत्र सूचीकरण गर्ने सम्बन्धमा नेप्से र बैङ्कबिच सोमबार सम्झौता भएको हो । 

सम्झौतासँगै क्रम सङ्ख्या १ देखि ३० लाखसम्मको अंकित तथा चुक्ता मूल्य एक हजार रुपैयाँ रहेको ऋक्ष्श्द्यम्ढण् को कूल ३० लाख कित्ताको सूचीकरण भएको छ । कम्पनीले सर्वसाधारण समक्ष हिमालयन क्यापिटल लिमिटेड ९धितोपत्र निष्काशन तथा बिक्री प्रबन्धक कम्पनी० मार्फत खुल्ला विक्री आव्हान गरेको थियो ।

सर्वसाधारणमा वितरण गरिएको ३० लाख कित्ता ऋणपत्र धितोपत्र सूचीकरण विनियमावली, २०७५ बमोजिम पुस १ गतेको निर्णयानुसार नेपाल स्टक एक्सचेञ्ज लिमिटेडमा सूचीकरण गरिएको नेप्सेले जनाएको छ ।

सोमबार नेप्से र बैङ्कबिच धितोपत्र सूचीकरण सम्झौता सम्पन्न भएको दोस्रो दिनबाट नेपाल स्टक एक्सचेञ्ज लिमिटेडमा कम्पनीको १० प्रतिशत वार्षिक ब्याजदर भएको १० प्रतिशत सिटिजन्स बैङ्क डिबेन्चर २०९० डिबेन्चर/ऋणपत्रको दोस्रो बजारको कारोबार सुरु हुनेछ ।

सिटिजन्स बैङ्क इन्टरनेसनल लिमिटेडले देशैभरी फैलिएका आफ्ना १९० वटा शाखा, १५१ वटा एटिएम र ९७ वटा शाखारहित बैङ्किङ्ग इकाईहरूबाट १६ लाख ९६ हजार ग्राहकवर्गलाई आधुनिक बैङ्किङ्ग सेवाहरू प्रदान गर्दै आएको छ ।