काठमाडौँ / नेपालीले चालू आर्थिक वर्ष २०८०/८१ को चार महिमा विदेश घुमेरै करिब ६२ अर्ब रकम सिध्याएका छन् ।

नेपाल राष्ट्र बैंकले सार्वजनिक गरेको वित्तीय विवरण अनुसार साउनदेखि कात्तिक मसान्तसम्म नेपालीहरूले विदेश घुम्न जाँदा ६१ अर्ब ९२ करोड रुपैयाँ खर्च गरेका हुन् । यो गत आवको सोही अवधिको तुलनामा ६५ प्रतिशतले बढी हो । अघिल्लो वर्ष यस्तो खर्च ३७ अर्ब ५४ करोड रुपैयाँ थियो । 

यस्तै, विदेशमा पढ्न ३८ अर्ब ४४ करोड रुपैयाँ खर्च गरेका छन् । गत वर्षको सोही अवधिमा शिक्षातर्फबाट २२ अर्ब ६१ करोड रुपैयाँ बाहिरिएको थियो ।

त्यसैगरी, यो चार महिनाको अवधिमा विदेशबाट नेपाल घुम्न आउने पर्यटकबाट २५ अर्ब ७४ करोड रुपैयाँ मात्रै आर्जन भएको छ । यस्तो आम्दानी गत वर्षको चार महिनामा १७ अर्ब ४९ करोड रुपैयाँ थियो । यस्तै, तथ्यांकअनुसार चालू वर्षमा खुद सेवा आय समेत २८ अर्ब रुपैयाँले घाटामा छ ।

यद्यपि, यो गत वर्षको तुलनामा सुधारात्मक हो । गत वर्षको सोही अवधिमा यस्तो घाटा २६ अर्ब ७८ करोड रुपैयाँले घाटामा थियो ।